Hier is 'n paar interessanthede oor The Loft se DJ's.
|
 |
Wynand du Preez
Wynand is in 1985 in Pretoria gebore, maar het in Johannesburg groot
geword waar hy sy skool loopbaan voltooi het. Hy is tans ʼn teologie
student in sy finale jaar by die Universiteit van Pretoria. Wynand het ʼn
reuse passie vir die jeug en is daarom die afgelope drie jaar die
jeugprogram “The Loft” betrokke. Hy is ook ʼn jeugwerker by ʼn gemeente in
Johannesburg waar hy veral met die hoërskool jeug werk.
Wynand is mal oor sport en kyk graag rugby, krieket, sokker, gholf,
tennis en sommer enige ander sport wat op is. Hy speel self squash en
gholf en hou van gym. Sy ander stokperdjies is kitaar speel en musiek
maak. Hy is al vir 8 jaar by verskillende gemeentes betrokke waar hy
help om die worship te lei.
e
theloft@radiokansel.co.za |
 |
Berdene du Toit Ek is gebore, getoë
en grootgemaak in Johannesburg. Ek het feitlik grootgeword op 'n verhoog
en baie van my tyd het in drama en teaterwerk gegaan. Tans, is ek besig
met 'n BA-graad in Sielkunde en Kreatiewe Skryfkuns by die Universiteit
van Pretoria.
As jy my sou vra wat my opgewonde maak, sal ek vir jou vertel dat ek
vanaf 'n jong ouderdom bewus was van 'n bepaalde "blank" in ons
stukkende wêreld. God het 'n passie in my hart geplaas om deel te wees
van die volmaak van dié "blank" – om die stukkende wêreld weer gesond te
maak vir God se koningkryk. Ek is daarom betrokke by 'n klomp projekte
waar hulle die lewensomstandighede van mense probeer beter maak en hulle
bemagtig deur die proses.
Dis vir my 'n voorreg om deel te wees van "The Loft" en ek is dankbaar
vir die platform wat ons het om met die jeug van Suid-Afrika te kan
"connect". Ek sien uit na dit wat nog voorlê vir die program en Radio
Kansel.
e
theloft@radiokansel.co.za
|
